لا تقز من بعيد الحبيب ادخل وشوف ^^












قصيدة للشاعر/ رشيد الزلامي



ابو جميل

الله مـن قلـب بـه النـار تشتـب=هبـت وشبـت واستمـرت شبوبـه
قلـبٍ غـدى للهم مـا رد ومشـرب=وما ضاع من هم العرب راح صوبـه
همٍ على ربـع وهـمٍ علـى غبـب=اليـوم والساعـه همومـه تلـوبـه
والله من عينآ تصب العبر صبصـب=القليـب اللـي تـدالـج غـروبـه
يا عبيد انا ما نيب ضبٍ ولـد ضـب=يصبر لمـا يسمـع وينفـخ ذروبـه
انـا عتيبـيـآ عـريـبٍ مـعـرب=لي ما قفٍ كل الجميـع شهـدو بـه
من سب داري قلتله كـب ثـم كـب=وارخصت روحي دون داري جلوبـه
لـو أنسجـن بسبابهـا واتـعـذب=صبرت من شـان الوطـن للعقوبـه
والسجن ما هو عيب شـئ مجـرب=يعلـم المسجـون مـا هـي ذنوبـه
يلومنـي خبـلٍ إلا مــا تـغـرب=ينسى الوطن خسروا هله يوم جو به
فوده مع الضفـران صفـر مكعـب=فطيس قلـب و لـذة النـوم دوبـه
وانـا علـى كـل الجنـوب اتقلـب=ما ذقت حلو النوم يـوم اهتنـوا بـه
اقنب قنيب الذيب فـي راس مرقـب=من حر ما به قـام ينهـش جنوبـه
يحينـي الغربـي عصيـر إلاهــب=وريح الديار الطاهـره فـي هبوبـه
ريحة هواها مكسبـي يـوم نكسـب=اخير من ريـح البحـر والرطوبـه
عسى السحاب اللي من العصر ينصب=هلـت هماليلـه وهبـت انصـوبـه
يسقى وطن راعي العقـال المقصـب=نجد العزيز وغـرب نجـد وجنوبـه
ياديرتي مـا تقبـل الشتـم والسـب=يـا منبـع الإسـلام دار العـروبـه
يفـوز مذهبهـا علـى كـل مذهـب=وعلـى مقلبـت المذاهـب عقوبـه
يحكم بشرع الله وبالسيـف الأرقـب=ولا شق فيها طالـب الحـق ثوبـه