مكالمة آخر الليل ........

06-15-2007, 02:19 AM

كنت نايم.. وبعالم الأحلام هايم

مادري في شو كنت أحلم

مره احس اني اسوق سياره..

ومره اقول كنت مضيف طياره..

كان الجو بارد..

وكنت متغطي وشارد..

رن التلفون

وقلت ياترى من يكون؟؟

هذا المزعج هل هو صديق ولا مزيون..

هل هو عاقل ولا مجنون؟؟

رديت عليه وانا كلي شك وظنون!!

وبـرقه بعد ماكنت عصبي انا انسان حنون..

سمعت صوت ماتوقعته.. :

ولا في خيالي تخيلته..

ولا حتى بحلمي سمعته..

بنت..

قلت هلا

وقالت اهلين..

نوره موجوده؟؟

قلت وأنا صوتي رايح فيها..

لحظه شوي بناديها..

وجلست أصوت واقول نوره .. يامن نوره يلاقيها..

ورديت للسماعه وقلت مادري وين راحت الله يهديها..

بس دقيقة ماعندنا نوره!!

وبادر البنت خوف!!

قالت آسفه غلطانه..
قلت ولا يهمك عادي لا تكونين زعلانه؟؟

مايهم اذا ماعندنا بالاسم فلانه..

وقالت شكلك كنت نايم..

قلت لا.. توني قايم..

قالت تدرس ؟؟

قلت الدراسه خلاص باح..

انتي شكلك تدرسين؟؟

كيف اختباراتك ؟؟ عسى أنكم مرتاحين

قالت باقي لنا ونخلص يومين

وخايفه والله من مادتين..

قلت من الاختبارات لآ تخافين..

دامك الليل تذاكرين..

وعلى الله تعتمدين..

واللي يزرع جح ما يحصد يقطين..

أهم شي انك ماتنسين..

قبل الاختبار الله تدعين..

ومن إبليس تتعوذين..

خلقه من نار وخلقنا من طين..

وحنا نسولف في أمور..

من شو اسمك الين غلاء المهور..

قالت اسمي (ود) وقلت لها انا وسام..

وقالت صدفه غريبه اسامينا فيها دال..

تصدق كنت اتمنى يسموني نوال!!

تصدقين وانا كنت اتمنى يسموني جمال

وحنا نسولف في بحور الشعر والموال..

وماهمنا كلام الناس والعذال..

وفجاءة خلصت السوالف ولا لقينا اللي ينقال؟؟
وسكتنا..

وبدلع..قالت أنت تشجع الوحده؟؟

قلت في قلبي.. مادري أجاوبك بكف ولا بنعال..

بالله عليك هذا سؤال؟؟

قالت.. وسام
قلت آمري يا ود..

قالت اوصف لي شكلك..

هذا وين توهقنا..

شوفي العرب لونهم واحد

ولسانهم واحد.. واحلف بالله ولا غيره أحد

أني مب طويل ولا قصير..

شعري ناعم مثل الحرير..

قالت والعيون..
قلت العيون شبرين في ثلاثه اشبار

قالت اسد..
قلت شكرا يا احلى ود

المهم ان تواعدنا..

والموعد بكره في المول قررنا..

بين خوف وامل تواعدنا..

وقضيت ليلتي في حيرة..

شو البس؟؟ جنز ولا كندوره والله حيرة..

مافي غيرها تفك الحيرة.. شيشه و تعميرة..

ورجعت للبيت اعاتب امسي وابتسم لغدي..

وبصعوبة نمت.. قعدت اتقلب وون..

يا قلبي قلي شو اللي من الحب اهون؟؟

غريبه هالدنيا غريبة..

وراحت ليلتي.. وزادت بلوتي..
اليوم موعدي.. انا والحب بنلتقي..

لبست فوق راسي غترتي..

في مكان اللقاء تغيرت حتى خطوتي..

صرت ارتجف واترنح بمشيتي..

كائني انساق للموت وهاذي نهايتي..

مب سوالف شجاعة.. هذي اكبر بطولاتي..

اذا خسرت بتضيع احلى امنياتي..

جلست ادور والف وحول المكان اطوف..

وين هذيك العين اللي عليها قلبي ملهوف..

ود؟؟ ياليت الناس تجي وتشوف..

وفجاءة..

وصلني مسج..
يقول..
سويتها فيك يا وسام..

رد بيتكم وخل عنك هسوالف ياتـعبان

روح نام ..

تعيش وتاكل غيرها

و سويتها فيك ..

المرسل:
الوالدة.
ههههههههههههههههههههههههههههه

عادي تصير في ارقى العائلات هع هع هع

vvv
vv

06-15-2007, 02:46 AM

ههههههههه تعيش وتاكل غيرهاا

بس حلوه اعجبتني

06-15-2007, 02:53 AM

اقتباس:

المشاركة الأصلية كتبت بواسطة همسة غلااا

ههههههههه تعيش وتاكل غيرهاا

بس حلوه اعجبتني

أختي الغاليه :: همسة غلااا

اشكرك جزيل الشكر على مروورك العذب

اسعدني جداً مرورك الرائع

الله يعطيك العافيه

أخوكـــــ

ذبحــــــ الشـــــوق ـــــــني

06-15-2007, 04:24 AM

حلوووووووووووووووه

وانا مندمج
وتحمست

ههههههههههههههه

تقبل مروري يالغالي

06-15-2007, 06:35 AM

مشكور الله يعطك العافيه

بس موضوعك للأسف مكرر على الرابط

من المؤسف ان ترى هذا الموضوع ولا تدخل..

ينـــقل للأرشيــــــــف

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري