بسم الله الرحمن الرحيم

السلام عليكم ورحمة الله وبركاته




(( يالمســـافر ))


نويت أظهر من سكوتي ..
نويت أكتب على الصفحه ...
بقايا من حزن صوتي ..

(( يالمســـافر ))
نويت أحكيلك القصه ..
بدايتها ترسم البسمه على شفاتي وعلى شفاتك ..
ونهايتها تفرض علي الدمع ..
وتفرض عليك إنك تقدملي مواساتك ..
(( يالمســـافر ))

[ طوتني سالفة دنيا // عليها من الأسى ألوان ]
حلمت وجعلت الحلم ..
مابين الضلوع أوطان ..
وقلت أني أنا الفارس ..
ونويت أسطي على الميدان ..
معي سيفي .. ومعي درعي ..
وقايد للجيوش إللي يصورها ..
الأمل فرسان ..
(( يالمســـافر ))
خدعني هالزمان .. بحظنه الدافي ..
حظن هادي … كله عاطفه
نسيت أن الهدوء في كل الأحوال ..
يُعلن قــدوم العاصفه ..
والدفا ياعزوتي وين الدفا .. ؟!
صارت أحاسيسي زايفه ..
(( يالمســـافر ))
زمن قاسي .. تفنن في لفظ أنفاسي ..
زمن غدار .. هناه أن القلوب ..
إللي بنت من الوفا أجدار ..
تشاهد مابنت ينهار ..
(( يالمســـافر ))


[color=#4B0082]تخيل إن الصداقه ..
محكوره لشركات المصالح ..
إن كنت أنا كاذب روح وشوف ..
فالدنيا كثير … من المسارح ..
وألا أقولك .. لا تروح ..
لأنك ما راح تدفع تذاكرها فلوس ..
صدقني راح تبكي ..
وتكره كل إللي حواليك من النفوس ..[/color](( يالمســـافر ))
تخيل أن الحبيب وبكل بساطه ..
ممكن يخون ..!!
ويبيعك أبرخص ثمن ..
بهذا الزمن ..
الإ منه غدرك الحب ..
والإ منه جرحك الحب ..
وتجي تشكي لأي إنسان ..
يقولك الحب يمون.. ولا تنسى ..
في هالزمن أصبح الغدر والخيانه ..
" أجمل أنواع الفنون"

(( يالمســـافر ))

مادريت إن البشر ألوان ..
مادريت أن الحزن هتان ..
وإن العيون إللي بكت تنهان ..
هانها دمعها سقاها من العذاب ألوان ..
(( يالمســـافر ))


كثير نصارع أمواج الحياة ..
كثير نشوف الألم والأه ..
كثير نسقط من فوق الرباه ..
وتختفي منا بسمات الشفاه ..
وش أسولف لك يالمسافر ..
إنته مرت عليك كل المناظر ..
وبات لك في ليلتك طرف ساهر ..
(( يالمســـافر ))


هلت الدمعه في يدينا ..
ومالقت غير خدي مينا ..
ولا لقينا غير الحزن يحتوينا ..
وكن الألم نهتويه ويهتوينا ..
(( يالمســـافر ))
أعتذرلك ما قدرت أوفي كلامي
تعبت من الحديث إللي يزيد يهشم أعظامي ..
(( يالمســـافر ))

خلاص أبرجع أسكن سكوتي ..
وأسحب من صفحتي صوتي ..
(( يالمســـافر ))


فمان الله ..
وصاحبك إللي .. شكالك همومه
طلبتك لا تنساه .. ولا تلومه
.

.

.


(( هــمّـــســه )) :


لاعانقت شمس المغيب
إحساس حزنٍ مايغيب
تذكري ذاك الحبيب .. ؟!
إللي على الوعد أحتراك


إللي تهيا للسفر
من بعد ماهجرك سَفر
خسران ماعمره ظفر
بعتيه يوم إنه شراك


يازورقي حان الرحيل
ماعاد باقي لك بديل
إمشي بلا فكر ودليل
بس أترك المينا وراك


لِم الشتات وجمّعه
وأبحر بوسط المعمعه
صاحبك بحره مدمعه
وما أظن يخطيه الهلاك


وإن عاكس الموج المسير
وش عاد باقي لو يصير .. ؟!
لا لا تخاف من المصير
إن ما قريته هو قراك


إنته وأنا فينا الوفا
وهذا من الدنيا كفا
وجرحي ترى ماله شفا
الموت قالوا لي دواك
يالله أترك المينا وراك


.

.

.

(( قــفــلــه )) :





أثاريني بديت أشبه للأموات والجثمان .. ؟!
حتى الموت أناديلـه .. يصـد ومايلبينـي

:: ::


مماراق لقلبي ونقله قلمي أتمنى أن يحوز رضاكم .........لكم محبتي

يسعدني مرورك وتواجدك غلاتي
زدتي الكلمات روعه ومعنى
لكي محبتي

يسلموا غاليتي

تقبلي مروووري

غروري الله يسعد أوقاتك كما أسعدتني بتواجدك ومرورك العطر
دمتي بكل الحب

أثير الله يعطيكي ألف عافيه على المرور الغالي والعطر
دمتي بكل الحب غاليتي

يسلموو دلوعه على المرور