فقير الـحـال

على صبح العويل بصدر هاك العود يا درويش

صحى والنار تاكل من حطب جوعه صبا بنته

نهض وبنيته تفرك محاجرها يبه به عيش

يبه والصمت حار وثرثرت للطفله أجفنته

وقام يمتر الشارع على عكازته بشويش

يدور من صباح النور نور الباهت أزمنته

تشنق حلمه خيوط الشعاع وبزغت التغبيش

تكفكف عينه وينعق بألمه غراب ونونته

وأمر أحيان من حوله ولا يطالع تدري ليش

يخاف تقول عيني يا فقير الحال هذا أنته

وأحاول أزرع الرأفة بأرضٍ تنبت التطنيش

أبي لا من يبس من شهبها قمت وتسوسنته

ياليت أكون طير وحالته جنحان ولاّ ريش

عشان إن كل ما ضميت جنحاني تحضنته

أبيه يعيش زي ما هالأوادم بالحياة تعيش

مع إن مدّة إيديني قبر وقروشي هي أكفنته

كثر ماتصرخ إيده بالفقر يامحسنين قريش

كثر ماصافح من الفقر حاله وأكثر أحزنته

وأنا كل ما عطيته قرش حس القرش له بخشيش

عشان يقوم يدعي لي بعسى ما أعيش بأمحنته

وشفه يسابق صغار القطط على فتات الويش

ياعمي خلني ساكت تهد الحال أنئنته

تخيل بإيده العيش عجز لا يأكل من العيش

لأن ماعاد به حيل كثر ما أوجاعه أوهنته

وأخذ كف الرصيف يلقمه من نظرة التهميش

وأخذت أمضغ وجعه وكل ما غصيت عاينته

يدسدس باقي أوجاعه على جنب الرصيف بخيش

يخاف أن حزنه يضيق صدر بيته على بنته

كأنه لا تأهأه شفت وجهه في مرايا الطيش

ملامح شايبٍ متهدلٍ وجهه من أزمنته

ولا أصعب من تهجاي الوجع في نظرة الدرويش

سوى لامن قرا في وجهك الرحمة إذا عنته


( الشاعر / محمد بن ساقان القحطاني )

وأحاول أزرع الرأفة بأرضٍ تنبت التطنيش

صح ح ح ح لسان شاعرنا
وسلمت يدك على موضوعك الجميل
والاسلوب الاجمل

لك مني اطيب التحايا

الصفحة اخوي : hemoمشكور عالمرور والرد

الله يعافيك
اختي : .:ع ــطـر ألامـآكـن:.
عالمرور والرد

أثير

صح السانك .... والله يعين كل المسلمين الي مثل هل حاله

تقبلي مروري

شكرا على القصيده الجميله

العزيزة الغالية اثير
تسلمي على النقل الجميل
يعطيك العافية تقبلي مروري

الاوسي

صح لسانك ( الشاعر / محمد بن ساقان القحطاني )
صح اناملك يالغلا على نقل القصيده الجمييله